A Message to the GMP Graduates

Message from Charlito Z. Manlupig
President
Balay Mindanaw Group

 A message given to the graduates during the third commencement exercises of Global Mindanaw Polytechnic on the fifth of September, 2013.

 

Congratulations to the Global Mindanaw Polytechnic, KPMFI, BBFI, and the whole Balay Mindanaw Group for another milestone in our partnership with the peoples and communities, and local governments of Cagayan de Oro and other municipalities of Misamis Oriental -the third commencement exercises for 130  graduates and NC2 passers in heavy equipment operation, housekeeping and massage therapy.

Usa ka mainiton ug malipayong pagtimbaya gikan sa mga kaubanang lumilihok ug Board sa Global Mindanaw Polytechnic, KPMFI, BBFI ug sa tibuok pamilya sa Balay Mindanaw.

Taliwala sa mga negatibo, makasubo ug makasuko nga mga balita sama sa kasamok sa pila ka kabarangayan, sa baha sa Luzon ug bisan gani sa Jasaan ug Claveria, sa pagpangawkaw ug pagpangawat sa binilyon nga salapi sa katawhan, aduna pa’y igong rason ug hinungdan nga kita maglipay ug magsaulog.

Kini usa ka kasaulugan sa buhi nga pagtambyayong sa mga katawhan, sa ahensya sa gobyerno labi na ang TESDA ug ang mga lokal nga pangagamhanan sa Cagayan de Oro, ang pribadong sektor, simbahan, NGO ug uban pa.

Kini usa ka kasaulugan sa kadaugan sa pagpaningkamot natong tanan nga atubangon ang kalisdanan ug kapobrehon. Usa kini ka kadaugan sa indomitable human spirit – ang kaisog sa matag usa nga dili magpalupig sa mga babag ug kalisdanan.

Busa kaninyong mga mogradwar ug sa inyong pamilya, Congratulations! Sa mga nagdumala ug mga magtutudlo sa GMP, Congratulations! Sa atong tanan, Congratulations!

Padayon kita sa paglawig paingon sa kaangayan, kalambuan ug kalinaw…